විදේශ පරිපාලන අංශය, රජයේ ප්රතිපත්ති, පරිපාලන රෙගුලාසි සහ ශ්රී ලංකාවේ විදේශ ප්රතිපත්ති අරමුණු වලට අනුකූලව, ඒවායේ ඵලදායී ක්රියාකාරිත්වය සහතික කරමින්, විදේශයන්හි පිහිටි ශ්රී ලංකා දූත මණ්ඩල සහ කාර්යාල 60කට අධික සංඛ්යාවක ඵලදායී සමස්ත පරිපාලනය, සම්බන්ධීකරණය සහ මෙහෙයුම් සහාය සම්බන්ධයෙන් වගකීම දරයි.
බඳවා ගැනීම්, පත්වීම්, මාරු කිරීම්, උසස්වීම්, කාර්ය මණ්ඩල කළමනාකරණය සහ අදාළ ආයතන සමඟ සම්බන්ධීකරණය ඇතුළු ශ්රී ලංකා විදේශ සේවා (SLFS) නිලධාරීන්ගේ පරිපාලනය සහ වෘත්තීය කළමනාකරණය මෙම අංශයට පැවරී ඇත. ඊට අමතරව, විදේශයන්හි පිහිටි දූත මණ්ඩලවලට අදාළ කාර්ය මණ්ඩල කටයුතු, සියරට සහ දේශීය වශයෙන් බඳවා ගන්නා ලද කාර්ය මණ්ඩලය පත් කිරීම සහ කළමනාකරණය කිරීම මෙම අංශය විසින් අධීක්ෂණය කරනු ලැබේ.
විදේශයන්හි පිහිටි ශ්රී ලංකා දූත මණ්ඩල සහ කාර්යාලවලට අයත් විදේශීය වත්කම් කළමනාකරණය, සංවර්ධනය, පුනරුත්ථාපනය, ප්රතිසංස්කරණය, නඩත්තුව සහ පරිපාලනය සඳහා මෙම අංශය තවදුරටත් වගකීම දරයි. රාජ්ය අරමුදල්, විචක්ෂණශීලීව සහ කාර්යක්ෂමව භාවිතා කිරීම සහතික කරමින්, ප්රසම්පාදනය, ප්රාග්ධන වත්කම් කළමනාකරණය සහ මූල්ය අනුකූලතාවය පිළිබඳ මාර්ගෝපදේශ ද මෙම අංශය විසින් සපයනු ලබයි.
මෙම අංශය යටතේ ක්රියාත්මක වන සංචාරක ඒකකය, වීසා පහසුකම් සැපයීම, සංචාරක විධිවිධාන සහ සංචාර සම්බන්ධයෙන් විදේශ දූත මණ්ඩල සමඟ සම්බන්ධීකරණය ඇතුළුව අමාත්යාංශ නිලධාරීන් විසින් සිදු කරනු ලබන රාජ්යතාන්ත්රික කටයුතු සහ නිල විදේශ සංචාරවලට අදාළ සැපයුම් සහ මෙහෙයුම් විධිවිධාන සම්බන්ධීකරණය කරයි.
තවද, අංශයේ තොරතුරු තාක්ෂණ/සයිෆර් ඒකකය, අමාත්යාංශය, විදේශයන්හි ශ්රී ලංකා දූත මණ්ඩල සහ අනෙකුත් රජයේ ආයතන අතර ආරක්ෂිත සහ අඛණ්ඩ නිල සන්නිවේදනය සහතික කරමින් වැදගත් කේන්ද්රස්ථානයක් ලෙස ක්රියා කරයි.
විශේෂ රාජ්යතාන්ත්රික භාණ්ඩ තොග ඇතුළු රාජ්ය තාන්ත්රික තැපැල් මලු හැසිරවීමේ සහ සම්බන්ධීකරණය කිරීමේ වගකීම අංශයට අනුයුක්ත ආරක්ෂක තැපැල් ඒකකය විසින් දරනු ලබයි.