ප්රදූත අංශය සාමාන්ය ජනතාව සඳහා කොන්සියුලර් හා වෙනත් සේවාවන් සපයන අතර, රැකියා, අධ්යයන ආදිය සඳහා විදේශගත වීමට අදහස් කරන ශ්රී ලාංකිකයින්ගේ මෙන්ම, අවශ්ය පරිදි විදේශිකයන්ගේ ද කොන්සියුලර් සහ වෙනත් අවශ්යතා සපුරාලයි.
මාර්ගගත ලේඛන සහතික කිරීමේ ක්රමය, විදේශවල අතරමං වූ සහ අසරණ වූ ශ්රී ලාංකිකයන් නැවත සියරට පැමිණවීම, ශ්රී ලාංකිකයන්ගේ මෘත දේහ නැවත මෙරටට ගෙන්වා ගැනීම, එතෙර දී මියගිය හා තුවාල ලැබූ ශ්රී ලාංකිකයන් වෙනුවෙන් වන්දි සහ වෙනත් හිමිකම් ලබා ගැනීම සුරක්ෂිත කිරීම සහ වෙනත් විවිධ සේවාවන් යන කාණ්ඩ ඔස්සේ ප්රදූත අංශය සිය සේවාවන් සපයයි.
වර්තමානයේදී, සේවාව වැඩිදියුණු කිරීම හා විධිමත් කිරීම අරමුණු කර ගනිමින්, ප්රදූත අංශයට ඉදිරිපත් කරන ලද ලේඛන පිළිබඳ සහතික කිරීමේ ක්රියාවලිය, විදේශවල පිහිටි ශ්රී ලංකා දූත මණ්ඩල, කොළඹ පිහිටි විදේශ දූත මණ්ඩල මෙන්ම වෙනත් රජයේ ආයතන සමඟ තත්කාලීනව සම්බන්ධ වූ වේගවත් සත්යාපන ක්රියාවලියක් සහිතව ඊ-ඩෑස් (e-DAS) පද්ධතිය හරහා වලාකුළු (Cloud) පරිගණකකරණය මත පදනම් වූ නව්ය ඩිජිටල් වේදිකාවක් මඟින් සිදු කරනු ලැබේ.
සේවා ඩිජිටල්කරණය කිරීම හා යාපනය, මාතර, මහනුවර, කුරුණෑගල සහ ත්රිකුණාමලය යන ප්රදේශවල ප්රාදේශීය කොන්සියුලර් කාර්යාල පිහිටුවීම මෙන්ම ශ්රී ලංකාවේ සහ විදේශයන්හි නගරවල ජංගම සේවා පැවැත්වීම සිදු කිරීම හරහා කොන්සියුලර් අංශය රජයේ ප්රතිපත්තියට අනුකූලව ශ්රී ලංකාවේ සහ විදේශයන්හි කොන්සියුලර් අවශ්යතා ඇති ජනතාවට කාර්යක්ෂම ලෙස සේවා සැපයීමට කටයුතු කරයි.
විද්යුත් තැපෑල
dgcons@mfa.gov.lk
දුරකතන
+94 112 275 538