பிராந்திய ஸ்திரத்தன்மை மற்றும் சமாதான முயற்சிகளைப் பாதிக்கும், முக்கிய எரிசக்தி கட்டமைப்புகள் மீதான தாக்குதல்கள் உட்பட, மேற்கு ஆசியப் பிராந்தியத்தில் சமீபத்தில் நிகழ்ந்த மோதல்கள் குறித்து இலங்கை ஆழ்ந்த வருத்தம் தெரிவிக்கிறது.

இலங்கை நாட்டினர் உட்பட, கணிசமான சர்வதேச சமூகம் இப்பிராந்தியத்தில் வசிக்கின்றனர்; அவர்களின் பாதுகாப்பும், நல்வாழ்வும் இலங்கைக்கு முதன்மையான கவலையாக உள்ளது.

பொதுமக்கள், முக்கிய குடிமை உட்கட்டமைப்புகள் மற்றும் இன்றியமையாத உலகளாவிய விநியோகச் சங்கிலிகளின் பாதுகாப்பை இலங்கை வலுவாக வலியுறுத்துகிறது. பதற்றங்களைத் தணிப்பதற்காக, அனைத்துத் தரப்பினரும் மிகுந்த நிதானத்தைக் கடைப்பிடித்து, ஆக்கப்பூர்வமான உரையாடலில் ஈடுபடுமாறு இலங்கை அழைப்பு விடுக்கிறது.

பிராந்தியத்தில் அமைதியையும், பாதுகாப்பையும் மீட்டெடுப்பதையும், சர்வதேச வர்த்தகத்திற்கு உகந்த சூழலை உறுதி செய்வதையும் நோக்கமாகக் கொண்ட அனைத்து முயற்சிகளுக்கும் ஆதரவளிப்பதில் இலங்கை உறுதியாக உள்ளது.

வெளிநாட்டு அலுவல்கள், வெளிநாட்டு வேலைவாய்ப்பு

மற்றும் சுற்றுலாத்துறை அமைச்சு

கொழும்பு